Македонската воено-одбранбена индустрија

Средба на Јолевски со претставници на Групацијата за оружје при Стопанската комора

Министерот за одбрана Зоран Јолевски денеска одржа работна средба со претставниците од Групацијата за оружје, експлозивни и опасни материи, пиротехнички средства и програма за воена и цивилна намена при Стопанската комора на Македонија.

– Оваа средба е значајна за сите членки на Групацијата, како од областа на производството на оружје и опрема, така и за компаниите кои се занимаваат со трговија со муниција, експлозивни и опасни материјали, трговија на наменски средства (вооружување и воена опрема), обуки за теоретско и практично оспособување за ракување со оружје, стрелиштата за цивилна намена, како и за концесиониерите на ловишта и ловечките друштва. Веруваме дека преку овие средби ќе придонесеме во подобрување на соработката на Министерството за одбрана со домашните наменски компании, во согласност со тековните потреби и планирања на Министерството, на кои домашните компании со своето знаење, искуство и капацитет се подготвени соодветно да одговорат, истакна Димитар Мангутов, претседател на Групацијата.

Компаниите-членки на Групацијата, на презентацијата имаа можност детално да ја претстават својата широка палета на производи и услуги, меѓу кои и тренажери, гранати, панцири, гумени палки, производи за интервентна заштита, војнички ремени, заштитни воени ракавици, униформи, ќебиња,…. и други производи и услуги што би можеле да бидат од интерес за потребите на Министерството за одбрана.

Според министерот Јолевски ваквите презентации се од интерес за Министерството за одбрана, односно да се развива производството на оружје и опрема на домашните компании, како и да се унапредат услугите за сервисирање и подобрување на перформансите на постојната опрема. Посочи и на препораките од последниот Самит на НАТО за запирање на процесот на постојано намалување на средствата за вооружените сили и постепено зголемување на буџетите за одбрана на државите-членки, во насока на обезбедување на безбедноста и мирот, како генерална цел.

– Ние, како држава почнавме процес на модернизација и преку зајакнување на капацитетите на домашните компании во наменскиот дел и взаемна соработка, веруваме дека заеднички ќе придонесеме да заживее оваа гранка од економијата, рече Јолевски.

Членките на Групацијата го истакнаа предлогот за формирање сервисно-логистички центар, кој би функционирал по принципот на јавно приватно партнерство и истиот би бил корисен и за РМ, но и за околните држави, а воедно на тој начин ќе може да се искористи и акумулираното знаење и искуство коешто го имаат домашните компании.

http://www.mia.mk/mk/Inside/RenderSingleNews/44/133238632

Штета што нема поголеми слики

Незнам , ова нашиве фирми треба некој поголем залак да загризаат со некој поголем заеднички проект на тема оружје .Незнам колку може да се воскресне проектот за РПГ СТРШЉЕН да се усоврши и унапреди да се освои производството и на лансерот и проектилите , имаше на времето презентирано беспилотно летало , проектирано и произведено од наши стручњаци .
Патем кога збориме за наши стручњаци .....
линк

дали ова може да значи дека остануваме на м-70

Ако ги модернизираат или почнат да произведуваат наша варијанта(усовремена), тогаш ќе биде супер...

А што бидна со М4 ките. Некаде слушав дека АРМ ќе ги воведувала како стандардно формациско оружје.

Инаку ако би останувале на М70 би било добро да направиме нешто како Финците. Они си произведуваат сопствен калашников SAKO TRG - RK 95TP(7.62X39). Би можеле и ние да произведуваме кај нас за сопствени потреби, така што би се подобрила конструкцијата и би се поставиле помопдерни елементи на пушката (пикатини шини, ергономска рачка итн.). Има една руска фирма која произведува такви работи (http://www.zenitco.ru/)

Predator1990 напиша:

А што бидна со М4 ките. Некаде слушав дека АРМ ќе ги воведувала како стандардно формациско оружје.

Муабет по медиуми од пред неколку години. Освен оние кои ги должат во пСО, АРМ сеуште си тера со М70-ките. Верувам така ќе биде и во догледно време.

Predator1990 напиша:

Инаку ако би останувале на М70 би било добро да направиме нешто како Финците. Они си произведуваат сопствен калашников SAKO TRG - RK 95TP(7.62X39). Би можеле и ние да произведуваме кај нас за сопствени потреби, така што би се подобрила конструкцијата и би се поставиле помопдерни елементи на пушката (пикатини шини, ергономска рачка итн.).

Тешко тоа, за разлика од Финците кои имаат доста искуство и историја во производство на секаков вид на оружје, за жал кај нас таа гранка е на многу незавидно (т.е. непостоечко) ниво. Сепак конструкција на одреден тип на оружје, па макар било и лиценцно производство на истото е сериозна работа.
Она што во моментот би можеле да го сториме, е да ги модернизираме до одредено ниво М70АБ2-ките, ако веќе нема намера да се оди на нешто помодерно.

Интересна конверзија нуди словенечки Arex.

Alvar напиша:

Муабет по медиуми од пред неколку години. Освен оние кои ги должат во пСО, АРМ сеуште си тера со М70-ките. Верувам така ќе биде и во догледно време.

Тешко тоа, за разлика од Финците кои имаат доста искуство и историја во производство на секаков вид на оружје, за жал кај нас таа гранка е на многу незавидно (т.е. непостоечко) ниво. Сепак конструкција на одреден тип на оружје, па макар било и лиценцно производство на истото е сериозна работа.
Она што во моментот би можеле да го сториме, е да ги модернизираме до одредено ниво М70АБ2-ките, ако веќе нема намера да се оди на нешто помодерно.

Интересна конверзија нуди словенечки Arex.

Знам дека ги дужи ЕСН и Ренџерите, и тоа контигент подарок од Американците во 2008 година од воените вишкови. Зборам дека некаде слушав дека ќе биде воведена како стандардно формациско оружје во сите родови како м70 тката што е, највеќе поради воведување на НАТО калибарот 5.56X45 SS109.


A за модификацијата ја спомнав Zenitco зашто ми падна во очи, не мислев да набројувам, а ако почнеме да набројуваме компании има и Texas Weapon Industries, MAGPUL, CCA, FAB Defence, Troy Industries, Midwest Industries итн.