СПОРЕД ИСТРАЖУВАЧКИОТ ЦЕНТАР ПЈУ
Бројот на муслиманите во светот до 2070 година ќе го надмине бројот на христијанитеДо 2050 година, бројот на следбениците на исламот ќе се израмни со бројот на христијаните, а бројот на муслиманите ќе го надмине оној на христијаните на глобално ниво до 2070, предвидува истражувачкиот центар Пју, повикувајќи се на постојните разлики во стапките на плодност, млади популации и преминувања од една во друга вера.
Студијата вели дека христијанството во 2010 година било најраспространетата религија во светот, со околу 2,2 милијарди следбеници, што претставува речиси една третина (31 процент) од вкупно 6,9-те милијарди луѓе на Земјата. Исламот има 1,6 милијарда следбеници, што претставува 23 отсто од светското население.
Меѓутоа, ако продолжат сегашните демографски трендови, Пју вели дека до средината на веков муслиманското население би требало да се зголеми за 73 отсто и да сочинува 30 отсто од населението во светот (2,8 милијарди). Христијаните ќе сочинуваат 31 отсто од населението (2,9 милијарди евра).
„Главната причина поради која муслиманите растат не само во број, туку и во светскиот удел, се местата каде што живеат“, вели Алан Куперман, директор за религиско истражување во Пју. „Муслиманското население е концентрирано во некои од најбрзорастечките делови во светот.“
Причината за овој тренд е поврзана со неколку фактори: плодноста, младоста на населението и преминувањето од една во друга вера. Студијата вели дека муслиманите имаат највисока стапка на плодност, со просек од 3,1 деца по жена - во споредба со христијанскиот просек од 2,7 деца по жена.
Во 2010 година повеќе од четвртина од вкупната светска популација е на возраст под 15. Најголем процент од децата помлади од 15 години му припаѓа на муслиманското население, кај кои тие сочинуваат 34 проценти, во однос на 30-те отсто кај Хиндусите и 27-те проценти кај христијаните.
Растот во овие доминантни религии барем делумно се должи на локациите каде што се случува. На пример, Индија ќе ја замени Индонезија како дом на најголемото светско муслиманско население, дури и со нејзиното хинду-мнозинство, а Пју вели: „Четири од секои 10 христијани во светот ќе живеат во супсахарска Африка.“
Извештајот не содржи предвидување за тоа како населението на Кина ќе влијае на овие трендови, затоа што податоците за него не се достапни. Ако беше вклучено кинеското население од 1,3 милијарда, во кое во моментов има пет проценти христијани, и ако повеќе Кинези преминат во христијанството, тоа би можело да има влијание врз вкупниот број на христијаните во светот.
http://www.mkd.mk/svet/analizi/brojot-na-muslimanite-vo-svetot-do-2070-godina-kje-go-nadmine-brojot-na-hristijanite
