Спржена земја: Злосторствата на суровите африкански екстремисти се гледаат од вселенатаБОКО ХАРАМ
Спржена земја: Злосторствата на суровите африкански екстремисти се гледаат од вселената (ФОТО)
Сателитските снимки од нигериските градови кои ги нападнала групата Боко Харам укажуваат на огромно разурнување и голем број жртви, соопштила организацијата Амнести интернешнел.
На снимките се гледаат 3.700 оштетени или уништени објекти во градовите Бага и Дорон Бага, што било направено месецов, пренесува Дејли мејл.
Амнести цитира очевидци, кои кажале дека милитантите убивале кого стигнат. Организацијата истакнува дека штетата е „катастрофална“ пренесува Би-би-си.
Групата Боко Харам изврши неколку напади минатата недела, вклучувајќи неколку за кои, како што се сомнева, употребувале деца како бомбаши-самоубијци.
Дениел Еир, претставник на Амнести, истакнува дека нападот врз Бага и Дарон Бага на североистокот на Нигерија бил најголем и најсмртоносен.
Сателитските снимки пред и по нападот биле направени на 2 и 7 јануари.
Претставникот на Амнести Адотеи Аквеи кажал дека и понатаму е тешко да се стигне до областа каде што се случил нападот и дека нигериските власти значително ја намалуваат бројката на жртвите.
Боко Харам го привлече вниманието на светската јавност минатата година, кога радикалните припадници на оваа исламистичка група киднапираа 276 девојчиња од нигериско училиште во Чибук, град на северот на земјата.
Неколку десетици успеаја да побегнат, но 219 девојчиња сѐ уште се водат како исчезнати, а се сомнева дека се или продадени како бело робје или се убиени.
Минатонеделниот масакр на 2.000 луѓе, меѓу кои имало голем број жени и деца, повторно го вџаши светот и ја означи Боко Харам како една од најсуровите терористички организации.
http://www.mkd.mk/svet/vesti/sprzhena-zemja-zlostorstvata-na-surovite-afrikanski-ekstremisti-se-gledaat-od-vselenata#1
______________________
"Through discipline comes freedom"
