Најпрво морам да кажам дека се мислев дали да отворам нова тема или да пишувам овде иако Glock 17 не е дел од АРМ туку е дел од вооружувањето на дел од единиците на МВР. Во продолжение ќе пишам неколку збора за овој модел на пиштол, а администраторите може слободно да го сместат во некоја нова или посоодветна тема.
Glock-17 ( Глок-17 ) е дело на Австрискиот конструктор Гастон Глок. Во средината на 80-тите за првпат овој конструктор на јавноста и го презентира новиот модел на пиштол кој е делимично е изработен од пластика. Значи да појасниме. Голем дел од пиштолот е изработен од посебен вид на полимер кој е доволно цврст а притоа и зналително полесен од било кој метал. Деловите пак кои трпат најголемо оптоварување при употребата на пиштолот се изработени од алуминиум и челик. Оваа комбинација му дава значително помала маса. На почетокот како и кај секој новитет и на овој се гледало со резерва. Се појавиле гласини дека пиштолот не е отпорен на екстремни временски услови и дека се распаѓа по одреден број на испукани куршуми.
За да ги демантира овие гласини Глок-от е подложен на сурови тестови. Имено, 20-тина пиштоли биле подложени на температури од -40 до +200 степени. И по ова тие функционирале беспрекорно. Тестот завршил со испукување на 10.140 парчиња муниција за 3 часа и 47 минути.
Подоцна Австриската Армија и Полиција го набавуваат овој модел на пиштол, за да денеска се наоѓа на самиот врв.
Негови најголеми предности се: тоа што е исклучително лесен, што нема надворешни сопирачки или лостови, тројната сопирачка.
Технички карактеристики:
-Калибар - 9 мм
-Должина - 186 мм
-Висина - 138 мм
-Ширина - 30 мм
-Должина на цевка - 114 мм
-Тежина празен - 625 г
-Тежина со празен магацин - 703 г
-Тежина со полн магацин - 905 г
-Брзина на зрното - 360 м/с
-Капацитет - 17 куршуми
______________________
Потта штеди крв!