Почина македонскиот професор д-р Александар Стојчев
По кратко боледување и компликации како последица на Ковид-19, вчера на 46-годишна возраст во Скопје почина универзитетскиот професор и воен историчар д-р Александар Стојчев.
Професорот Стојчев од 2006 година бил раководител на Службата за воена историја – Воен музеј во Министерството за одбрана, а претходно во периодот од 2002 година до 2006 година бил асистент по Воена историја на Воената академија „Генерал Михаило Апостолски“ во Скопје.
Во својата професионална кариера тој бил и доцент и вонреден професор на Универзитетот Св. Кирил и Методиј во Скопје за област Воена историја и наставник по предметот „Балканските војни и Првата светска војна“ на Универзитетот Гоце Делчев во Штип.
Тој е автор на повеќе книги од областа на воената историја, а меѓу најпознатите и најкористените се „Букурешкиот мировен договор и поделбата на Македонија во 1913 година“, „Студија за формирање на Музеј на Првата светска војна“, „Нобеловците и АРМ за мирот“, „Дојран 1915-1918 (Воени операции)“ како и „Историја на воените мапи на Република Македонија“.
На пошироката јавност, професорот Стојчев и беше познат по документарните телевизиски емисии за историјата на Република Македонија.
https://denesen.mk/pochina-makedonskiot-profesor-d-r-aleksandar-stojchev/https://faktor.mk/kolegite-i-prijatelite-se-prostuvaat---46-godini-od-kovid-pochina-profesorot-i-istorichar-aleksandar-stojchev---kolegite-i-prijateНека почива во мир!
______________________
Si vis pacem, para bellum
