Модернизација на АРМ (Набавки и Донации)

Momak od Gjorce напиша:

Го сменија ахаххахаха...

Чекај, до утре може ќе станат 517 милиони.

Хахаха добро е нели им текна Иначе модерна може да биде али ако сакаме , со оглед на тоа дека не располагаме со кој знае колкав човечки фактор и немаме кој знае колкава голема територија може да се модернизира за неколку години ,и тоа со само малце поголемо вложување од досегашното , фино лепо може да се направи договор со некоја од појаките светски сили и на неколку години да се исплаќа набавката на различно опрема , нешто секако ќе добиеме и поклон ,од самите војници униформа и све тоа и возила , Пво , тенкови и т.н... но коа ќе земеш во предвид дека Армија на една држава како главно оружје се уште користи ак-47 мислам нема што да се зборува , единствени земји кој што сеуште го користат тоа оружје се оние афричките , а ваму се удираме у гради за влез у Нато , башка немаме никаква воздушна одбрана , немаме тенковски батаљон кој може брзо и ефикасно да одговори , немаме радари салам , немаме ни некој дрон , нема добра оклопна единица , единствено хеликоптерите се вредни , премногу е застарена опремата а со тоа не се оди во Нато , само за жал некој тоа или не сака да го разбери или незнам што е , или пак премногу касно се сетија за тоа.

Aj наздравје бричење...

Јолевски, два дена пред заминување раскинал 4 договори за воена опрема со Елбит Системи

Поранешниот министер за одбрана Зоран Јолевски, два дена пред изборот на новата влада, без никакво образложение поништил четири потпишани договори за набавка на вооружување и опрема, во вредност од околу 82 милиони евра, брифираат извори од Министерството за одбрана (МО).

Овие четири договори, од вкупно пет колку што биле потпишани, се со една иста фирма, израелската Елбит Системи. Според информациите од Министерството за одбрана, за тие 82 милиони евра требало да се набават оклопни транспортери, комуникациски врски во оклопните единици, хаубици и друга воена опрема.

Досегашните анализи покажуваат дека нема да има финансиски последици од наглото прекинување на договорите со Елбит, но во министерството за одбрана ги проучуваат договорите за да утврдат евентуална штета. Оттаму не сакаат да шпекулираат која епричината за раскинување на договорите, но велат дека не е исклучено екс министерот за одбрана да сфатил дека може да се соочи со одговорност.

Во МО уште најавуваат дека со ребаланс на државниот буџет ќе се покрива недостатокот на пари за работа на Министерството за одбрана и за обезбедување плати за вработените во Армијата и во министерството, поради лошото реализирање на буџетот во првите пет месеци од годината.

Реализацијата на буџетот во МО заклучно со 31 мај во дел од трошоците била повисока од очекуваните 42 проценти и го доведува во прашање натамошното работење, но проблемите ќе бидат надминати со ребаланс на буџетот односно пренамена на дел од средствата.

Оттаму велат дека искористеноста во делот на патните и дневните расходи е 60 проценти. Во делот на субвенции и трансфери околу 71 процент, а во делот на набавка на мебел 73 проценти. Анализата на трошењата заклучно со посочениот датум за првите пет месеци од годинава покажува дека недостигот на средства до крајот на годината ќе изнесува 261 милион денари.

Сепак, додаваат дека нема да се дозволи вработените во одбраната да останат без своите законски утврдени права за надомест.

http://www.mkd.mk/makedonija/politika/jolevski-dva-dena-pred-zaminuvanje-raskinal-4-dogovori-za-voena-oprema-so-elbit

Голем коркач овој Јолевски... но кога правиш нетранспарентни набавки за големи провизии... може и треба да биде.

РЕАКЦИЈА
ВМРО-ДПМНЕ: Договорите со Елбит се поништија на барање на Генералштабот на АРМ

СДСМ манипулира, буџетот на Министерството за одбрана е во добра кондиција, а четирите договори се поништени на писмено барање на началникот на Генералштабот на АРМ, соопшти ВМРО-ДПМНЕ.

„АРМ и граѓаните немаат апсолутно никаква корист од манипулациите на СДС и нивната упорна намера да глумат опозиција. СДС ја презеде одговорноста да го води Министерството за одбрана и да ги реализира проектите и реформите кои ги ветуваа за подобрување на статусот на вработените во одбраната.

Вкупниот буџет на Министеството за одбрана заклучно со мај беше во добра кондиција, односно има доволно средства за извршување на сите функции на одбраната. Точно е дека на ставката расходи за дневници за ангажманот на АРМ на јужната граница како и за стражарска служба се потрошени повеќе од планираните и затоа уште во април е побарано пренамена на средства од други ставки. Тоа е техничка операција, која Министерството за финансии, формално треба да ја одобри, бидејќи има доволно средства на другите ставки на буџетот.

Во поглед на трошоците за мебел, како што и е познато на јавноста во март оваа година се пушти во употреба новиот дограден 3 спрат на Министерството за одбрана и сосема нормално е да се набави нов мебел за над 50-тина нови канцеларии. Сите средства од буџетот се потрошени за подобрување на условите во кои работат лицата во Министерството за одбрана и Генералштабот на АРМ. Ниту еден денар не е потрошен за опремување на кабинетот на министерот за одбрана, заменик министерот, ниту пак советниците на министерот.

Во поглед на четирите договори за модернизација кои беа поништени тоа е сторено врз основа на две писмени барања на началникот на Генералштабот на АРМ. Опремата што требаше да се набави со овие договори, беше во согласност со спецификациите добиени од Генералштабот на АРМ. Ова е потврдено од извештаите на комисиите за техничка евалуација на добиените понуди, составена од официри од АРМ. По финансиската евалуација беа потпишани гореспоменатите договори со најповолниот понудувач. Со цел да се надминат дополнителните промени што ги побара Генералштабот на АРМ се реализирани над 10-тина состаноци на претставаници на ГШ на АРМ и Елбит во периодот од септември 2016 до мај 2017. По двете писма добиени од началникот на Генералштабот на АРМ и состаноците со компанијата која беше избрана како најповолна, беше очигледно дека ГШ на АРМ не беше подготвено да влезе во последната фаза, односно имплементација на договорите. По извештајите на работните групи за имплементација на договорите на последните средби на 28 и 29 мај годинава беше донесен заклучок дека е најдобро да се поништат овие договори. Со компанијата Елбит беше договорено дека нема да има никакви негативни финансиски имликации врз министерството“, реагираат од ВМРО-ДПМНЕ.

http://www.mkd.mk/makedonija/partii/vmro-dpmne-dogovorite-so-elbit-se-ponishtija-na-baranje-na-generalshtabot-na-arm

Се знае какви оклопни транспортери и хаубици требало да се набават ?

Веројатно самоодните 155mm Atmos, и веројатно 8х8 Sentinel II (Terex, ST Engineering, Elbit, Otokar).

Momak od Gjorce напиша:

по ова впечатокот е целосен

https://youtu.be/bWRNWdc7_qE