АК-47 или Автоматска пушка Калашников модел од 1947 година (руски: Автомат Калашникова образца 1947 года) е автоматска пушка од советско производство која се користи и во македонската армија. Ја дизајнирал Михаил Калашников и е една од најпознатите и најраспространетите автоматски пушки денес. Оваа пушка се покажала како многу добра во војната во Виетнам каде што американските војници кажувале дека АК-47 е многу поиздржлива од нивната М16 јуришна пушка. Тие тврделе дека, на пример, ако се стави М16 во кал, ќе се закочи, а со АК-47 не е така. Оваа пушка е најраспространетата пушка во светот на сите времиња.
Ознаката АК-47 е раширена во западните извори, но никогаш не била официјална во СССР и во Русија. Официјалната ознака е АК.
Дизајнерски концепт
Дизајнерскиот концепт се базира на германската пушка StG44 (Штрумгевер 44), што лесно може да се забележи. Сепак, АК не е копија на StG44, што се гледа пред сѐ во разликите во ударниот механизам и во затворачот, како и во употребените материјали и технологијата на производство.
AК-47 во културата
АК-47 е светски најпознато оружје на сите времиња и е исто така едно од најприозведуваните. Калашниковиот учествувал во многу војни околу светот. Тоа предизвикало да некои народи и држави го освоиле АК-47 како национален симбол. Така на пример, на знамето и грбот на Мозамбик може да се види АК-47 како симбол на револуцијата, потоа на грбот на Зимбабве, Источен Тимор, Буркина Фасо и други комунистички и пост-комунистички земји како што се Виетнам. АК-47 ги симболизира комунистите од Виетнамската војна и од многу други војни.
Тип Автоматска пушка
Потекло СССР
Службена историја
Го користи Варшавски пакт
СССР
Македонија и многу други
Производна историја
Конструктор Михаил Калашников
Конструирано 1947
Произведувач Ижевски Машински Завод и др.
Произведувано од 1950
Карактеристики
Тежина празно: 3,8kg
полно: 4,3kg
Должина 870mm
Должина на цевка 415mm
Куршум 7,62x39mm M43
Механизам Позајмица на гасови, ротирачки затворач
Каденца 600 истрели/min
Почетна брзина 600m/s
Полнење рамка со 30 куршуми; рамка со 40 куршуми од РПК; барабан со 75 куршуми
Нишани Подеслив маханички нишан, оптички нишан (опција)