Светот денеска

Една тема за случувања во светот.

Мексико: Народот го зеде законот во свои раце


Група вооружени маскирани мажи во Мексико, киднапираа неколку граѓани на кои ќе им „судат“, за наводна врска со криминалните банди.

Ова е правдата, во стилот на американскиот див запад, само што се случува во Мексико- пишува агенцијата „Ројтерс“.

Гневни поради киднапирање и кражбите, фармерите, бизнисмените и други граѓани на Гуереро, одлучиле да го земат законот во свои раце, како „народна полиција“.

Со маски навлечени преку главата, десетина вооружени мажи, го чуваат плоштадот во „Ел Мезон“ на кој се изнесени 50-ина затвореници обвинети за убиства, кражби и силување. Но, против нив не е претставен ниту еден доказ.

„Народната полиција“ укажува на озбилниот предизвик со кој се соочува новиот претседател Енрике Пења Њато, кој вети дека ќе ја пренасочи борбата против картелите, кои во изминатите шест години убија околу 70 илјади луѓе.

Повеќето мексиканции немаат доверба во полицијата и правосудството, поради што работата ја земаат во свои раце.

Според жителите на Акапулко полицијата е во тесна врска со криминалците и не реагира на пријавите, дури и бара мито.

-Овие луѓе се огорчени од неправдата. Ние не бараме анархија, не сакаме да ја земеме правдата во свои раце, туку да најдеме начин да го решиме проблемот- изјави Бруно Пласидо Балерио, еден од членовите на „народната полиција“.

Ова негативно влијае и на образованието во Мексико.

-Затворањето на училиштата не е начин за борба против несигурноста – изјави за агенцијата „Ројтерс“ министерката за образование, Силвиа Ромеро Суарез.

[You must be registered and logged in to see this link.]

Родениот брат на „калифот“ на ИДИЛ прима христијанство

27 септември 2014 лето Господово

Оваа сензационална вест ја пренесе катарскиот канал „Ал-Џазира“. Братот на водачот на исламската терористичка групација ИДИЛ186919.b.jpg кој се прогласи за калиф, се обраќа во христијанската вера, соопштува информативниот портал Calam 1, повикувајќи се на информативниот сервис „Ал-Џазира“.

Согласно со репортажите на катарските медиуми, Мухамед Бакр ал - Багдади, родениот брат на „калифот“ на ИДИЛ Абу Бакр ал – Багдади, го напушти исламот и поверува во Христа.

Одлуката на братот на самонаречениот водач на „државата“ предизвика бурна реакција во арапскиот свет: така радикалните теолози веќе издадоа релевантни фатви (клетви) со кои се пропишува ал – Багдади да биде казнет „заради отстапништво“ во кој било дел од земјината топка и да се наоѓа.

Според зборовите на политичкиот аналитичар Џим Стерн, кој веќе неколку години ги истражува активностите на раководителите на ИДИЛ, во одлуката на Мухамед нема ништо ново или неочекувано. „Браќата Ал – Багдади не се виделе веќе 14 години“, вели експертот. Нивните патишта се разделиле после американскиот напад на Ирак: Во тоа време кога Абу – Бакр замина во водите на воениот тероризам, Мухамед остана да работи како нафтен инженер во државата Тексас. Меѓу нив едноставно нема и никогаш немало ништо заедничко“.

Братот на „калифот“ живее денес заедно со семејството под измислено име, како заштитен сведок.

[You must be registered and logged in to see this link.]

Нема криза за индустријата за оружје
СВЕТ | 10.10.2014 12:05

Кампањата за воздушни напади врз Ирак и Сирија, предводена од САД и коалицијата, е одличен бизнис за американските производители на оружје и воена опрема на кои последните месеци им расте вредноста на берзата.

-Тоа е одлична војна за компаниите кои произведуваат оружје и кои сакаат поголеми средства да се одвојат за одбраната- посочува Ричард Абулафиа, потпретседател на консултантската компанија Тил Груп.

Кампањата врз Исламската држава значи милиони долари трошоци за купување на бомби, ракети, делови за авиони, како и повеќе аргументи во корист на финансирање на напредни летала, како за борбени, шпионски или пак летала за достава.

Вредноста на акциите на големите партнери на Пентагон почна да расте откако Обама прати војни консултанти во Ирак, а продолжи со почетокот на воздушните напади.

raketaЗа три месеци вредноста на акциите на Локхед Мартин пораснаа за 9,3 проценти, Рејтеон и Нортруп Груман за 3,8 посто, а на Џенерал Динамик за 4,3 проценти. Локхед Мартин ги произведува ракетите Хелфаер кои се монтираат на беспилотните борбени летала Рипер и на авионите на ирачката армија.

Вредноста на новите зделки се бројат во стотици милиони долари

raketa strelajНеколку дена по ширењето на акциите врз Сирија минатиот месец, Рејтеон доби договор од 251 милион долари за испорака на крстаречки ракети Томахавк за американската морнарица. Американските бродови испалиле 47 Томахавки првата ноќ од нападот врз Сирија, а секоја ракета чини околу 1,4 милиони долари.

Со оглед дека акциите до сега имаа само ограничено влијание, не го успорува апетитот на вложувачите во секторот одбрана, додаваат аналитичарите.

Договорните компании работат подобро отколку што очекуваа експертите пред три години, посочува Лорен Томсон од Лексинтон институтот, кој има низа врски со одбранбената индустрија. Со војната тие компании договараат работа не само заради договорите со американската влада туку и со други европски или арапски држави кои се дел од коалицијата против Исламската држава.

На пазарот на воените летала, судирот би требало да овозможи развој на сите видови летала- за достава, надзор, илио беспилотни летала кои во моментот вршат клучни мисии над Ирак и Сирија.

b1jassmПриватните компании за безбедност кои профитираа од американската окупација во Ирак и во авганистан последните години, повторно се оптимисти. Сегашниот судир би требало да овозможи нови договори за поддршка на ирачките институции.

Ако Пентагон пред една година се подготвуваше за големи финансиски резови со оглед на завршувањето на судирите во Ирак и во Авганистан, кампањата против ИД но и тензиите настанати со кризата во Украина брзо ја сменија таа перцепција во Вашингтон и на Вол Стрит.

[You must be registered and logged in to see this link.]