Украина ги враќа делфините-убијци
Користењето делфини во воени цели не е ништо ново. Но Украина го пренесува делфинското војување на нови височини.
Украинската морнарица неодамна ја обновила советската тренинг-програма во која се вклучени делфини и други животни за најразлични воени цели, како откривање мини и убивање на непријателските борци со огнено оружје и ножеви прицврстени за нивните глави, пишува РИА новости.
„Десет делфини во моментов се тренираат за специјални задачи во Украинскиот државен океанариум, а украинската војска редовно ги тренира овие животни да го истражуваат морското дно“, вели изворот на РИА новости.
Делфините-убијци се тренираат за „одбранбени подводни задачи заради одбрана на бродовите во пристаниште и при напад“. За таа задача на нивните глави се прицврстени ножеви или пиштоли.
Оваа практика е обновување на советското тренирање делфини во Севастопол, во 1973 година. По распаѓањето на СССР и поделбата на Црноморската флота на руска и на украинска флота, одделот за тренирање делфини ѝ бил отстапен на украинската морнарица. Тогаш делфините биле користени за цивилни задачи, како работа со деца со заостанат развој.
Украинската база за делфини е една од само двете во целиот свет. Другата е во Сан Диего, Калифорнија.
______________________
Потта штеди крв!
