Специјални воени единици во составот на Израелската армија За извршување на тајни операции и специјални задачи на непријателска територија, во составот на израелската војска постојат специјално обучени и опремени единици. Меѓу нив е и една тајна единица составена од командоси со загонетно име „ Egoc “ што на хебрејски значи бадем.
Припадниците на овој „одред на смррта„ имаат задача да ги ликвидираат функционерите и вооружените герилци на про-иранскиот Хезболах во Либан кои со своите акции и задаваат многу маки и губитоци на израелската војска. За акциите на оваа единица нема детални податоци, но им се припишува еден голема грешка која ја направиле изведувајќи воена операција. Обвинети се дека се индиректно одговорни за масакарот во базата на Обединетите нации во Кан на југот на Либан во Април 1996. Во таа прилика во израелското бомбардирање загинале 84 цивили и недолжни либански бегалци, што предизвикало остра осуда од целиот свет.
Командосите на „Бадемот„ биле уфрлени во реонот на Кан со задача да ги елиминираат припадниците на Хезболах кои лансирале ракети од тнр. лансери на ракети „Каќуша„ . Плашејќи се да не бидат откриени и уништени, израелските командоси преку радио-врска побарале помош во нивната база од каде им е наредено да се повлечат, по што следел „ударот од дистанца„ односно бомбардирањето.
Модификација на база на рускиот систем БМ-21 Град од страна на Хезболах,познат како „каќуша„ .
„Удар од дистанца„Иако подоцна израелските воени команданти се правдали со фактот дека Хезболах завзел положби со „каќушите„ непосредно до базата на ОН (претпоставувајќи дека поради тоа Израелците нема да ги нападнат) , тоа воопшто не ја намалува одговорноста за бројните жртви и неспретно изведената акција на специјалците. Бидејќи , требало да ги откријат и лоцираат положбите на герилците кои дејствувале со „каќушите„ врз цели во северен Израел, да им се приближат и со брза и молскавична акција ги уништат, со минимални жртви. Доколку не постоеле услови за директна акција од страна на специјалците, би била побарана воздушна поддршка.
Но како што ситуацијата била „крајно неповолна„ бидејќи на специјалците им се заканувала тотална ликвидација односно уништување, побарна е воздушна поддршка односно „удар од дистанца„ . Израелците на тој начин ги сочувуваат своите војници, но затоа усмртуваат 94 недолжни цивили.
Во проба да ја сочува тајноста на „Бадем„ , израелската влада долго време ги криела детаљите од своите истраги за случајот во Кан, своевремено било речено во лондонскиот „Observer„ . Према овој лист , западни тајни извори потврдиле дека израелски специјалци тајно се ангажираат во Јужен Либан и оццениле дека до тогаш се убиени околу 50 борци на Хезболах во блиски борби со со припадниците на „Бедем„ .
„Тие дечки се проклето добри. Тие играат значителна улога против терористите во Либан и го заслужуваат нашето почитување„ , изјавил еден израелски офицер за припадниците на „Бадем„ . Тогаш се наговестувало дека во израелската војска постои уште една тајна формација со слична задача, позната под неупадливо име , „Единица 504„ ,овластена да оперира на териториите на арапските земји. Припадниците на оваа единица собираат важни информации, шпионираат, казнуваат странски тајни агенти, киднапираат одредени личности, но не се овластени да убиваат односно да ја неутрализираат целта.
„Да се уништи главниот штаб„Израелските специјалци досега во меѓусебните конфликти со герилците на Хезболах, Хамас и други арапски терористички групи, бележат воглавном победи, но ни поразите не им се непознати. Баш тоа им се десило ноќта 4-ти на 5-ти септември (доколку знае некој година нека напише), кога група на израелски командоси се уфрлуваат тајно во долината на либанска територија со хеликоптерски десант, на околу 15км од сигурносното подрачје, во близина на градот Сидона. Меѓутоа не успеваат да се му се приближат на објектот кој го имале како цел бидејќи случајно или не, налетуваат на припадници на Хезболах и Амал. Во жестоката борба загинале 12 израелски специјалци. Ова е иначе, најголемиот губиток на израелската армија на една престрелка на подрачјето на јужен Либан,откако 1985 година, од страна на израелската војска е окупиран појасот широк 15-тина километри поради заштита на населените места на северот на Израел.
Во поставувањето на заседата и жестоката вооружена престрелка, покрај герилците на Хезболах , на арапска страна учествувале и борци од движењето Амал и војници на либанската армија. Еден од лидерите на про-сириското движење Амал , на конференцијата за новинари, изравил дека израелските командоси биле убиени од поставена бомба која била дел од заседата. Но како што е и вообичаено во ваквите случаи, израелските медии не објавиле никакви детали околу оваа операција освен што началникот на Генералштабот на израелската војска, генералот Амон Липкин Шахак, штуро изјавил (кога веќе целиот случај бил разоткриен од светските агенции) дека специјалците загинале од експлозија на муницијата и експлозивот кои го носеле со себе додека се бореле со терористите.
Познато е дека специјалците често носат експлозив во своите ранци кога одат во акции на непријателска територија, но во такви прилики користат специјални ранци со куќишта зајкнети со метални или ќерамички плочи, баш поради тоа да не би дошло до некаква експлозија на муницијата од гелер од бомби и сл. Зошто таква опрема не била користена во овој случај знаат само припадниците на израелската војска.
Борци на Хезболах
Извлекување на ранетите – „Во замката на Хезболах„Израелските војници најверојатно згазнале на мина , или повеќе мини, односно налетале на минско поле, кое било вешто поставено од припадниците на Хезболах на правецот по кој се движеле Израелците. При експлозијата веројатно погинале и се ранети неколку припадници, со што е откриена нивната положба по што следела жестока престрелка помеѓу двете групи, во која веројатно е погоден и ранецот со експлозив кој Израелците го носеле со себе, што повторно предизвикал експлозија од која настрадале најголем број на припадниците кои се наоѓале таму во тој момент, а војникот кој го носел тој ранец на себе буквално „исчезнал„ . Во секој случај, израелските војници се нашле во незавидна и исклучително тешка ситуација, најтешка која може да ја доживее секој војник – исполнета со експлозии, крв, разлетани делови на тело од своите соборци и со пискотници од своите ранети другари.
Фоторепортерите кои биле најбрзи, направиле снимки од местото каде што се водела борбата, на кои се гледаат чизми од израелските војници, големи дамки на крв, панцирни елеци, делови од тела и опрема, како и либански војници кои позирале покрај главите на мртвите израелски специјалци. Генералниот секретар на Хезболах, Хасан Насралах, фалејќи се изјавил дека неговите борци од местото каде што се одвивала борбата со себе донеле и тела од загинатите израелски војници и дека тие ќе бидат употребени во некоја од идните размени на заробеници. А потоа следела закана: „Кога Израелците ќе се одлучат повторно да влезат во некој од нашите градови, нека знаат дека ќе ги дочекаат не само будните очи на нашите борци, него и бомби сокриени в земја, на зидовите и дрвјата. „ . – предупредил Насралах.
Погинувањето на скоро целата елитна единица во замката на Хезболах, ги навела Израелците да седнат и да се запрашаат дали цената која ја плаќаат нивните војници во јужен Либан е превисока?
Меѓутоа, Премиерот Нетанијаху ја исклучил можноста за повлекување на војската од ова подрачје бидејќи герилците во тој случај, уште повеќе би му се приближиле на Израел.
Извор: Калибар 
