Хронологија: Кој и за што протестира последниве години?Протести против криминал. Протестанти во одбрана на обвинети.Во Македонија изминативе години беа организирани неколку протести во име на поединци кои полицијата ги теретеше за криминал, а ги судеше Судот. Се протестираше пред Влада, пред Собрание и пред Суд. Се бараше некаква правда, онаму каде правдата всушност и се спроведува.
2007-протести против случајот на БучковскиПротести и собраниски инциденти по завршување на судскиот процес за случајот „Резервни тенковски делови“. Во него Владо Бучковски доби затворска казна во времетраење од 3,5 години. Освен Бучковски, истата казна ја доби генерал Методи Стамболиски.
Додека Бучковски ја даваше првичната изјава пред судот, Социјал-демократите протестираа пред скопскиот Основен суд-1. Криминалот направен во случајот беше проценет на 2 милиони евра.
Пресудата подоцна ја укина Апелацискиот суд, и побара повторување на постапката за предметот.
Во ноември 2009 г., поради суштествени повреди во постапката и недостаток на докази, Апелацискиот суд ја укина првостепената пресуда и процесот го врати на повторно судење, со што казната затвор за обвинетите автоматски стана неважечка.
2009-протести за осудените од „Бродец“Униите на студенти од Штуловиот и Државниот универзитет, Здруженито на политички затвореници и Здружението на албанските историчари во Македонија протестираа за осудените од „Бродец“. Протестот го поддржа и граѓанската иницијатива на чело со Семи Хабиби кој само неколку месеци пред протестот собираше потписи со цел да се укине притворот на обвинетите од Планинска бура.
Скопскиот суд, во јули истата година им изрече максимални казни од 15 години на лидерите на терористичката група Лирим Јакупи Нацист, Фатос Алија, Амир Сопа и Метин Ислами.
2010-СДСМ од Битола во одбрана на фармерот ДушкоМасовен протест направија битолските СДСМ-овци поради затворањето на фармерот Душко Илиевски и неговиот брат и татко, обвинети дека во својот двор култивирано одгледувале марихуана. Околу 2.000 активисти прошетаа пред институциите во Битола – затворот, општината и основниот суд, каде со погрдни зборови, се обратија кон власта.
Во 2011 година, битолскиот суд донесе ослободителна пресуда за фармерот.
2011-протести за случајот на Бошкоски „Кампања“Протестанти го затворија булеварот пред судскиот комплекс во моментот кога Бошкоски беше носен на распит пред истражен судија. Членови и симпатизери а партијата на Бошкоски протестираа против неговото апсење.
Лидерот на Обединети за Македонија е прогласен за виновен поради злоупотреба на службената положба и нелегално финансирање на изборната кампања на партијата на годинешните предвремени парламентарни избори.
Доби казна затвор во времетраење од 7 години.
2011-опозицијата протестира за „Пајажина“Клубот на жени на СДСМ, опозициските пратенички и експери, пред Основниот суд Скопје 1 протестираа за случајот „Пајажина“ каде првообвинет е сопственикот на А1, Велија Рамковски.
Рамовски и управителите на фирмите од „Перо Наков“ бб беа осомничени за затајување на данок, перење пари и злосторничкончко здружување.
Сопственикот на А1 е осуден на 13 години затвор.
2012-протести против најголемата полициска акција „Монструм“Откако полицијата ги пронајде сторителите на грозоморното петкратно убиство и ги терети за тероризам, веќе два протести се случија пред Судот и пред Владата на РМ. Убијците се радикални исламисти, а на протестите се носеа маици со пораката „Исламот ќе владее со светот“. Албанците кои излегоа на протест, истиот го договорија преку социјалните мрежи. Токму таму, бараа правда за сторителите на грозоморниот чин.
Кој протестира и за што?Протестите, реално, неможат да влијаат на одлуката на судот, ниту пак на ниту еден начин неможат да спасат криминал од казна. Искажувајќи револт за судски случај, со ваквите протести, протестантите се ставаат во одбрана на криминал.
Наведените протести се случуваат или за член на опозицијата или во организација на опозициска партија. Секако, против власта. Протестираат од најголемата опозициска партија или Албанците. Во случаите каде што е суден член на владејачка партија, протести речиси и не се паметат. Не се случија протести по однос на пресудата на Ламбе Арнаудов. Ниту еден член на владејачката партија не застана пред Судот за да протестира. Исто така, казната од пет ипол години затвор за ексминистерот за одбрана Пауновски, не предизвика никого на протест.
За случаите по кои беше донесено обвинение судот имаше цврсти докази за своите постапки, а последен пример е и акцијата „Монструм“ за која и министерката Јанкулоска и обвинителот Шврговски потврдија дека постојат цврсти и квалитетни докази за осомничените доволни за обвинение. Згора над тоа, кога овој случај е во прашање, признанието на заштитениот сведок Хазири дека ги возел убијците до Смиљковското езеро претставува доволен доказ дека институциите и овој пат професионално си ја завршиле работата.
Протестите без разлика од кого се организирани предизвикуваат ангажман на огромен број на службени лица кои наместо да работат на предизвиците и приоритетите треба да се занимаваат со обезбедување на протести.
Тогаш навистина, кој и против кого протестира? Правдата е во рацете на државните институции, а не на оние кои дејствуваат против нивната работа.
http://kurir.mk/makedonija/vesti/70637-Hronologija-Koj-i-za-sto-protestira-poslednive-godini 
од бугарските ваљда што ги зедовме 2001. Инаку панцириве на полицајциве регуларни што ги носат, знаете каков тип се? Имаат нови земено не се оние сините од 2001.
