Христијан Ивановски кој живее во Канада но потекнува од Македонија е добитник на првата награда на конкурс за млади истражувачи организиран од Фондацијата „Сајмонс“ на тема поврзана со разоружување од нуклеарно оружје.
Ивановски се натпреварувал со противникот и подготвил критички аргумент против академската позиција на многу земји дека членот 6 од Договорот за неширење на нуклеарното оружје е целосно или делумно испочитуван.
- Испровоцирав многу реакции во текот на мојот дебатен настап во канадското Министерство за надворешни работи, иако не успеав да добијам дополнителна парична награда, вели младиот Македонец.
Целта на конкурсот е да го зголеми интересот и ангажманот на канадските студенти и академски работници во доменот на контролата на оружјето и разоружувањето.
Христијан Ивановски инаку работи во Центарот за одбранбени и безбедносни студии на Универзитетот на Манитоба.