MILES - Multiple Integrated Laser Engagement System MILES е вежбовен интегриран ласерски систем за симулација на погодоци кој се користи за тренинг на припадниците на безбедносните сили во реално борбено опкружување. Системот го користат скоро сите современи армиски и полициски единици низ светот скоро 30 години.
Индивидуалниот систем за симулација на погодоци MILES се состои од ласерски уред кој е сместен на цевката на оружјето, и од сензори кои се распоредени по телото на војникот кој го користи, кои пак се поврзани со мини-компјутер кој војникот го носи со себе. При стрелањето со маневарски куршум доаѓа до вклучување на ласерот, и доколку војникот добро ја нанишанил својата цел односно противникот, доаѓа до активирање на еден од сензорите кои се наоѓаат на телото на противникот и на тој начин автоматски се вклучува звучен аларм кој го потврдува погодокот.
Во зависност од тоа каде е погодокот, уредот со помош на глас известува дали погодениот е ранет или убиен. Сето тоа го забележува мини-компјутерот на војникот и ги податоците ги праќа во централниот компјутер на кој претпоставените ја пратат ситуацијата на теренот, односно вежбата.
Правилата при користењето на овој уред се такви, да погодениот неможе да ја продолжи борбата односно испаѓа. На неговиот мини-компјутер останува забележано времето кога е погоден и од кого е погоден. Тој систем, со посредство на централниот компјутер на кој е прикажана мапата на теренот на кој се одвива симулацијата, му овозможува на раководителот со вежбата да го прати движењето на учесниците во реално време, што резултира со релативно реална слика за обученоста на учесниците и нивната спремност за снаоѓање во вистински борбени услови.
Сличен систем за монтирање на возила